Baso-jabea naiz

BSTK Basotik Fundazioak, haien basoak lagatzeko aukera eskaintzen die baso-jabeei, lurraren jabetza mantenduz.

Lurraldeko baso-jabeei aukera ematen diegu, euren baso-eremuen titularitatea mantenduz, basoen zaintza eta kudeaketa fundazioaren esku uzteko, ordain ekonomiko baten truke. 
BSTK Basotik Fundazioak, Gipuzkoako errealitatera egokituko ditu baso-kultura handia duten herrialdetan ezartzen diren baso-kudeaketa ereduak. Horiek guztiek, basoen zaintza-kolektibo egiturak dituzte lehiakortasuna hobetzeko eta balio handiko baso-ondarea bermatzeko.

BSTK Basotik Fundazioarekin lankidetzan aritzeak dituen abantailak

Gipuzkoar guztien ongizatea helburu duen herri-proiektu batean parte hartzea, basoak eta biodibertsitatea zainduz eta horri balioa emanez.
Gipuzkoako Foru Aldundiak bermatu eta babestutako proposamena.
Lur-eremura egokitzen den irtenbide pertsonalizatua.
Talde profesional batek zaindutako eta kudeatutako baso bat izatea, inolako gastu edo inbertsiorik egin gabe.
Baso kudeaketaren berezko arriskuak partekatzen dituen eredua.
Errentagarritasun ekonomikoa lehen urtetik.

Lan prozesua

Eskaera eta erregistroa

Baso-jabea kontaktuan jartzen da BSTK Basotik Fundazioarekin. Interesatu bezala harremanetan jartzean, BSTK Basotik Fundazioak interesatu moduan erregistratzen du.

Datu bilketa

Interesatu erregistroa behar bezala burutzeko, bere basoarekin lotutako informazio guztia eskatzen dio BSTK Basotik Fundazioak baso-jabeari. Hiru informazio nagusi izango lirateke:

  • Basoaren jabetza justifikatzen duen dokumentazioa: Erregistroa, katastroa...
  • Basoaren ezaugarriak: kokapena, azalera, mugak…
  • Osagarria den beste edozein informazio. Adibidez, pistekin lotutakoa.

Titulartasuna mantenduz

BSTK Basotik Fundazioak informazio guzti hori jasotze duenean, espedientea itxiko luke eta diagnostikoarekin jarriko litzateke lanean.

Diagnostikoa

Basoaren diagnostikoa egiteko, BSTK Basotik Fundazioaren lan-taldea, basora bertaratzen da, eta zein egoeratan dagoen ikusten dute.

Kudeaketa proposamena

Basoan jasotako informazio guztiarekin, BSTK Basotik Fundazioak txosten bat sortzen du non baso-jabeari egingo zaion proposamena biltzen den.

  • Zuhaitz espezie bat aukeratzerako garaian, hiru elementu izaten ditugu kontuan:
    • Gipuzkoako Foru Aldundiaren helburua: Gipuzkoako zuhaitz-espezieen oreka eta mosaikoa mantentzea. Hau da, Gipuzkoan dagoen zuhaitz espezieen artean %50a koniferak eta %50 hostozabalak izatea. Helburu hau landaketa guztietan izaten dugu kontuan.
    • Diagnosi fasean jasotzen dugun informazioa: Lursailak dituen ezaugarri desberdinak aztertzen dira, hala nola, lursailaren egoera, zein espezie dagoen, espezie horren adina, egoera …
    • Hazi Fundazioak garatu duen aplikatiboa: Erreminta horrek, 2000 parametro desberdin hartzen ditu kontuan, hala nola, lurraren kokalekua, azidotasuna, malda … eta guzti horien arabera, lursailera ondoen egokitzen den espeziea iradokitzen du.

Kontratua sinatzea

Baso-jabea ados egongo balitz, kontratua sinatuko litzateke eta BSTK Basotik Fundazioa izango litzateke baso horren zaintzaile eta arduradun.

Kasua konpromisorik gabe aztertzen da

BSTK Basotik Fundazioko talde teknikoak baso-eremuaren diagnostikoa egiten du, konpromisorik gabe.

  • Lursailaren ezaugarriak eta basoaren egungo egoera aztertzen da.
  • Lurraren parametro teknikoak kontuan hartuta, kudeaketa-proposamen egokitua eta ordainsari-plan zehaztua aurkezten da.

Diru-sarrera finkoekin lehen urtetik

Baso-jabeak kontraprestazio ekonomikoa jasotzen du lehenengo urtetik, eta kontratua amaitu arte mantentzen da. Kontraprestazio hori ezin da aldatu eta Gipuzkoako Foru Aldundiaren bermea du.

Titulartasuna mantenduz

Kontratua amaitzean, lurren kudeaketa berreskuratzeko aukera du baso-jabeak, edo nahiago badu, berriro ere kudeaketa osoa BSTK Basotik Fundazioari lagatzeko aukera izango du.

Kontratuaren ezaugarri orokorrak

Urte askotariko erlazioak izanda, eskritura publiko bihurtzen da kontratua. Gastu hauek BSTK Basotik Fundazioak jasango ditu.
Kontratuaren iraupena txanda bukatu artekoa da.
Baso-jabeak kontratua eten dezake horren epea amaitu arretik, horrela nahi izanez gero.
Egoera konkretu batzuetan, txanda bukatu aurretik mozketa egin ahal izango da (V. Klausulan jasota).

Kontratuaren transmisioa eta bukaera

​​​​​​​Kontratu epea amaitzean bukatuko da kontratua.
BSTK Basotik Fundazioak...
​​​​​​​
  • Ezin izango du lortutako eskubidea transmititu jabearen oniritzirik gabe.
Baso-jabeak...
​​​​​​​
  • Posible du basoaren jabetza beste bati transmititzea (salmenta, herentzian jasotzea … ). Kasu hauetan indarrean jarraitzen du kontratuak.
  • Ezin izango du jabetzarik grabatu. Adibidez, ezin izango du hipoteka bat eskatu eta basoa abal moduan jarri.
  • Txanda bukatu aurretik kontratua eten dezake, VII. klausulan jasotako baldintzen baitan.

Intereseko dokumentuak

Ohiko galderak


Basoaren balioaren kalkulua

Ordainketak

Ustekabeak

Ardura eta betebeharrak

Nahi duzu BSTK Basotik Fundazioak zure kasua aztertzea eta proposamen bat egitea?

Kontaktua