BasoHUB
Berrikuntza, lankidetza eta etorkizuna Gipuzkoako basoentzat
BasoHUB lankidetza-espazio ireki bat da, basoaren inguruan proiektu aitzindariak eta aliantza estrategikoak aktibatzeko sortua. BasoHUBen bidez, basoen zaintza gizartera zabaldu nahi dugu, basoa beste sektore, eragile eta herritarrekin konektatuz, eta Gipuzkoako baso-ondarea ikuspegi partekatu batetik lantzeko aukerak sortuz.
Basotik Fundazioak lankidetza-sare zabal bat aktibatu du BasoHUBen baitan, berrikuntza forestala, ikerketa aplikatua, gizarte-partaidetza, ongizatea, hezkuntza eta jasangarritasuna uztartzeko. Aliantza horien bidez, basoa ez da soilik ingurumenaren ikuspegitik lantzen; ezagutza, teknologia, osasuna, gastronomia, inklusioa eta herritarren konpromisoa ere basoarekin konektatzen dira.
BasoHUBen ikuspegia eta helburua
BasoHUBen bidez, Basotik Fundazioak basoen etorkizuneko erronkak ikuspegi zeharkako eta partekatu batetik lantzen ditu. Baso-kudeaketa beste jakintza, sektore eta esperientzia batzuekin uztartuz, ideia berriak proiektu erreal bihurtzeko eta Gipuzkoako lurraldean eragin positiboa sortzeko esparrua eskaintzen du.
BasoHUBek honako helburu hauek ditu:
- Gipuzkoako baso-ondarearen balio ekologikoa, soziala, ekonomikoa eta kulturala agerian jartzea.
- Basoaren inguruan garatzen diren ekimenen irismena eta eragina handitzea.
- Sektore eta eragile desberdinen arteko sinergiak eta lankidetza-aukerak sortzea.
- Ezagutza zientifikoa, berrikuntza teknologikoa eta esperientzia praktikoa konektatzea.
- Basoek klima-aldaketara egokitzeko, biodibertsitatea indartzeko eta gizartearen ongizatea hobetzeko duten ekarpena sustatzea.
- Ekonomia zirkularrean, bioekonomian eta karbono gutxiko ereduetan oinarritutako trantsizioa bultzatzea.
BasoHUB abiapuntu partekatua da: Gipuzkoako basoen etorkizuna elkarrekin imajinatu, esperimentatu eta eraikitzeko gunea.
BasoHUBen jarduera-ardatzak
BasoHubek bost jardun-ardatz estrategikotan antolatzen du bere lana, zientzia, gizarte-ongizatea, klima-ekintza, ekonomia jasangarria eta kultura uztartuz. Horrela, basoaren balio guztiak —ekologikoak, ekonomikoak, sozialak eta sinbolikoak— modu bateratuan lantzen dira.
Gipuzkoa baso-kudeaketa jasangarriaren abangoardian
Berrikuntza funtsezkoa da klima-erronkei aurre egiteko. Ardatz honetan BasoHubek honako proiektuak bultzatzen ditu:
- Etorkizuneko klimara egokitutako espezie erresilienteak.
- Silbikultura moldakorraren teknika berriak.
- Basoen berreskurapen ekologiko aurreratua.
- Europako berrikuntza-sareekin lankidetza klimatikoa.
Helburua da ezagutza aplikagarria sortzea eta Gipuzkoa kokatzea baso-kudeaketa iraunkorraren abangoardian.
Basoaren onurak osasun fisiko eta mentalerako
Basoak espazio terapeutikoak dira, onura fisiko, emozional eta sozial frogatuak dituztenak. BasoHubek honako programak garatzen ditu:
- Baso-bainuak eta ibilaldi terapeutikoak.
- Talde behartsuentzako esku-hartze programak.
- Autokontzientzia eta ongizate emozionala sustatzen duten jarduerak.
Ardatz honek basoa osasunaren eta gizarte-kohesioaren azpiegitura berde nagusi gisa kokatzen du.
Basoa, klima-aldaketari aurre egiteko tresna nagusia
Basoak dira klima-aldaketaren aurkako aliatu naturalik indartsuenak. Ardatz honetan BasoHubek sustatzen ditu:
- CO₂ xurgatzeko eta finkatzeko gaitasun handiagoko basoak.
- Lurzoruaren eta ur-sistemen osasuna hobetzeko praktikak.
- Biodibertsitatearen eta lotura ekologikoen berreskurapena.
- Egoera ahulean dauden basoen birsorkuntza.
Helburua da basoa Gipuzkoaren klima-estrategiaren zutabe nagusi bihurtzea.
Basoak, ekonomia zirkular eta karbono baxuko ereduaren motorra
Basoak aukera paregabea dira ekonomia jasangarria eta tokiko enplegua sustatzeko. BasoHubek bultzatzen ditu:
- Bioekonomia eta basoko erabilera berriak.
- Baliabide berriztagarrietan oinarritutako ekonomia zirkularra.
- Egurra eta bestelako baliabide ez-madereroak modu jasangarrian aprobetxatzea.
- Landa-ingurunearen aktibazioa eta tokiko ekonomia sendotzea.
Ardatz honek basoa Gipuzkoaren hazkunde ekonomiko eta deskarbonizazioaren motor bihurtzen du.
Gure nortasuna kontatzen duten basoak
Basoak euskal identitatearen eta memoria kolektiboaren parte dira. BasoHubek honako jarduerak garatzen ditu:
- Ibilbide interpretatiboak eta toponimia berreskuratzea.
- Basoa euskara, gastronomia, musika eta tokiko memoriara lotzen duten ekimenak.
- Natura eta sorkuntza garaikidea uztartzen dituzten kultur-proiektuak.
Helburua da basoa sinbolo, historia eta komunitatearen lekuko gisa indartzea.
¿Nola hartu parte BasoHUBen?
BasoHUB basoak eraldatzeko bokazioarekin bat egiten duten proiektuak eskaini, lagundu edo garatu nahi dituzten erakunde publiko edo pribatu, handi edo txiki guztientzat irekita dago. Enpresak, gizarte-erakundeak, ikerketa-zentroak, kultura-elkarteak eta ezagutza-eragileak ekimen honekin bat egitera gonbidatzen ditugu, beren jakintza, kezka eta gaitasunetatik abiatuta.
Sorkuntzarako eta laguntza teknikorako topagunea eskaintzen dugu, Gipuzkoan benetako eragina duten proposamenak elkarrekin eraikitzeko. Ideien, esperientzien, baliabideen edo aliantzen bidez, ekarpen bakoitza beste agerraldi bat bihur daiteke ekosistema komun horren barruan.
Ingurumenarekiko konpromisoa guztion ardura da.
Basotik ekimenarekin aktiboki parte hartu nahi duzu?
Jarri harremanetan: +34 943 43 18 70 / basotik@basotik.eus
Eskerrik asko.
Kasua konpromisorik gabe aztertzen da
BSTK Basotik Fundazioko talde teknikoak baso-eremuaren diagnostikoa egiten du, konpromisorik gabe.
- Lursailaren ezaugarriak eta basoaren egungo egoera aztertzen da.
- Lurraren parametro teknikoak kontuan hartuta, kudeaketa-proposamen egokitua eta ordainsari-plan zehaztua aurkezten da.
Diru-sarrera finkoekin lehen urtetik
Baso-jabeak kontraprestazio ekonomikoa jasotzen du lehenengo urtetik, eta kontratua amaitu arte mantentzen da. Kontraprestazio hori ezin da aldatu eta Gipuzkoako Foru Aldundiaren bermea du.
Titulartasuna mantenduz
Kontratua amaitzean, lurren kudeaketa berreskuratzeko aukera du baso-jabeak, edo nahiago badu, berriro ere kudeaketa osoa BSTK Basotik Fundazioari lagatzeko aukera izango du.