BasoHUB
Berrikuntza, lankidetza eta etorkizuna Gipuzkoako basoentzat
Basotik Gipuzkoarentzat
BSTK Fundazioan uste dugu basoak ez direla baliabide natural hutsa: osasun, kultura, identitate eta biodibertsitate guneak ere badira. Ikuspegi horretatik abiatuta, epe luzera eragin soziala, ingurumenekoa eta ekonomikoa sortzen dituzten proiektuak bultzatzen ditugu.
Ibilbide honetan urrats bat gehiago emateko ardurarekin, BasoHUB sortu da: Gipuzkoako Foru Aldundiaren proiektu estrategikoa, BSTK Fundazioak sustatua.
BasoHUBek erronka kolektibo bat planteatzen du: gure garaietako erronka nagusiei erantzungo dieten proiektuak abian jartzeko, baso-sektoreko eta gainerako arlo ekonomiko, sozial eta kulturaletako eragileen arteko lankidetza sustatzea.
Gure basoen iraunkortasuna ez da gai tekniko edo sektorial bat soilik, gizarte osoaren ekintza bateratua, sormena eta konpromisoa eskatzen duen helburu partekatua baizik.
Zer da BasoHUB
BasoHUB elkarlan irekirakoeta sektore anitzeko gune irekia da, basogintzatik bultzatua, baina askoz haratago iristeko bokazioa duena. Helburua da proiektu berritzaile, zeharkako eta lankidetzan oinarritutakoak aktibatzea aktibatzea, basogintzako eragileak beste sektore ekonomiko, sozial, kultural eta zientifikokoekin lotuz.
Lankidetza honen bidez, BasoHUBek basoen papera indartu nahi du Gipuzkoako eraldaketaren ardatz gisa: balio ekonomiko iraunkorra, lurraldeko kohesio soziala eta erresilientzia sortzeko gaitasuna duen esparru bat. Teknologia ezagutza, berrikuntza soziala eta epe luzeko ikuspegia integratzen duten ekimenak konektatzea bultzatzen dugu, baso-ekosistema aliantza berrietarako, negozio-aukeretarako, proposamen kulturaletarako eta erronka handien aurreko ingurumen-soluzioetarako lur emankorra bihurtzeko.
BasoHUB ez da helmuga bat, gure basoen etorkizuna elkarrekin irudikatu eta eraikitzeko abiapuntua baizik.
Ekintza kolektiborako marko bat
Ekintza bateratuak bideratzeko eta egituratzeko esparru operatiboa da BasoHUB, haien ikusgarritasuna eta inpaktua biderkatzeko, eta ekintza horiek iraunkortasunaren, lurralde-konpromisoaren eta gizarte-berrikuntzaren ikuspegi partekatu bati erantzuten diotela bermatzeko.
Jarduera arloak
BasoHUBen basoen kudeaketa integrala bultzatzen dugu, basoak osasunerako, kulturarako, ekonomiaren garapenerako eta ingurumenaren orekaren funtsezko espazio gisa aitortzen dituen ikuspegitik. Gure jarduera bost ardatz nagusitan garatzen da, berrikuntza, gizartearen partaidetza eta natura zein kultura ondarearen balioa uztartuz, eredu iraunkor eta funtzional anitzeko bat eraikitzeko helburuz.
1. Osasuna eta ongizatea
Basoak zientifikoki aitortutako onura fisikoak eta emozionalak eskaintzen dituzten espazio terapeutikoak dira. Osasun mentala eta ongizate integrala sustatzen ditugu kolektibo zaurgarrientzat eta, oro har, herritarrentzat diseinatutako jardueren bidez, egungo gizartean hain beharrezkoa den naturarekiko lotura emozionala eta soziala indartuz.
2. Sentsibilizazioa eta parte-hartze soziala
Heziketa eta parte-hartze aktiboaren bidez indartzen da basoarekiko lotura. Belaunaldien arteko ikaskuntzarako eta komunitate-inplikaziorako espazioak sortzen ditugu, ingurumen-kontzientzia eta gizarte-konpromisoa sustatuz, gure mendiak ikuspegi inklusibo eta dinamiko batetik babes ditzagun.
3. Kultura, nortasuna eta lurraldea
Basoak euskal nortasunaren funtsezko parte dira, eta sustrai sakonak dituzte historian, hizkuntzan eta tradizioetan. Gure ekimenek kultura-ondare hori berreskuratu eta biziberritu nahi dute, gizartearen eta baso-ingurunearen arteko harreman sinboliko eta materialari balioa ematen dioten jardueren bidez.
4. I+G+b baso-kudeaketari ezarria
Berrikuntza eta etengabeko egokitzapena behar dira ingurumen-erronkei aurre egiteko. BasoHUBek espezie berriak, baso-teknikak eta nazioarteko lankidetzak esploratzen dituzten ikerketa- eta garapen-proiektuak bultzatzen ditu, eta Gipuzkoa baso-kudeaketa erresiliente eta iraunkorraren erreferente gisa kokatzen du.
5. Bioekonomia, deskarbonizazioa eta basoaren erabilera berriak
Bioekonomia basoak garapen iraunkorreko motor bihurtzeko aukera bat da. Ekoizpen ekonomikoa eta ingurumenaren kontserbazioa orekatzen dituzten eredu zirkular eta multifuntzionalak sustatzen ditugu, lurraldearen deskarbonizazioan eta ongizatean lagunduko duten irtenbideak sustatuz.
¿Nola hartu parte BasoHUBen?
BasoHUB basoak eraldatzeko bokazioarekin bat egiten duten proiektuak eskaini, lagundu edo garatu nahi dituzten erakunde publiko edo pribatu, handi edo txiki guztientzat irekita dago. Enpresak, gizarte-erakundeak, ikerketa-zentroak, kultura-elkarteak eta ezagutza-eragileak ekimen honekin bat egitera gonbidatzen ditugu, beren jakintza, kezka eta gaitasunetatik abiatuta.
Sorkuntzarako eta laguntza teknikorako topagunea eskaintzen dugu, Gipuzkoan benetako eragina duten proposamenak elkarrekin eraikitzeko. Ideien, esperientzien, baliabideen edo aliantzen bidez, ekarpen bakoitza beste agerraldi bat bihur daiteke ekosistema komun horren barruan.
Kasua konpromisorik gabe aztertzen da
BSTK Basotik Fundazioko talde teknikoak baso-eremuaren diagnostikoa egiten du, konpromisorik gabe.
- Lursailaren ezaugarriak eta basoaren egungo egoera aztertzen da.
- Lurraren parametro teknikoak kontuan hartuta, kudeaketa-proposamen egokitua eta ordainsari-plan zehaztua aurkezten da.
Diru-sarrera finkoekin lehen urtetik
Baso-jabeak kontraprestazio ekonomikoa jasotzen du lehenengo urtetik, eta kontratua amaitu arte mantentzen da. Kontraprestazio hori ezin da aldatu eta Gipuzkoako Foru Aldundiaren bermea du.
Titulartasuna mantenduz
Kontratua amaitzean, lurren kudeaketa berreskuratzeko aukera du baso-jabeak, edo nahiago badu, berriro ere kudeaketa osoa BSTK Basotik Fundazioari lagatzeko aukera izango du.