BSTK Basotik Fundazioa

Fundazioak interes orokorreko helburuak betetzen ditu, hau da, Gipuzkoako baso ondarearen eta bere zerbitzu ekosistemikoen kudeaketa jasangarria. Horrela, lurraldearen garapen integrala eta haren kudeaketa ekologikoa lortzen lagunduko du. Azken batean, ingurumena eta baso ondarea babestea, eta lehen sektorea garatzea du helburu. Horretarako, honako helburu hauek lortu nahi ditu:

1. Gipuzkoako baso azalera (publikoa eta/edo pribatua) modu jasangarrian kudeatzea (gizarteari, ekonomiari eta ingurumenari dagokionez), abandonatuta gera ez dadin.
2. Lurraldearen deskarbonizazio helburuak lortzen laguntzea, CO2 isurketen xurgapena maximizatuz.
3. Gipuzkoako gizartea eta sektore ekonomikoak inplikatzea eta sentsibilizatzea, baso masaren (ondarearen) kudeaketa jasangarria ziurtatzeko, landa paisaia erakargarria eta balio ekologiko handikoa izatea erraztuz.
4. Baso jabeek gizarte osoari egiten dioten ekarpenari balioa ematea​​​​​​

Arau Esparrua

BSTK Basotik Fundazioak arau hauek definitutako esparruan garatzen du bere jarduera:

• BSTK Basotik Fundazioaren estatutuak.
• 9/2016 Legea, ekainaren 2koa, Euskadiko fundazioei eta horien garapenari buruzkoa.
• 15/2019 Dekretua, uztailaren 23koa, Euskal Autonomia Erkidegoko Fundazioen Babesletzaren eta Erregistroaren Erregelamendua onartzen duena.
• Agindua, 2018ko apirilaren 12koa, Gobernantza Publiko eta Autogobernuko sailburuarena, zei-naren bidez zehazten eta onartzen baitira formatu digital edo telematikoko zenbait inprimaki, fundazioek eta onura publikoko elkarteek erabil ditzaten, urteko kontuak EAEko Fundazioen Babesletzari eta Onura Publikoko Elkarteen Babesletzari aurkezteko.
• Apirilaren 7ko 3/2004 Foru Araua, Irabazirik gabeko Entitateen Zerga Erregimen eta Mezenasgoaren Zerga Onurari buruzkoa (GAO. 2004-04-19)
• Administrazio eta ekonomia/finantza alorretako legedi orokorra eta komuna.
• Irabazi asmorik gabeko entitateentzako Kontuen Plan Orokorra.
• Sektore publikoko fundazioei aplikagarri zaien araudi osagarria.