Hasiera

BSTK Basotik Fundazioa, Gipuzkoako basoen zaintza jasangarria bermatzen duen Gipuzkoako Foru Aldundiaren ekimena.

Gipuzkoako basoak zaintzea dugu helburu

BSTK Basotik Fundazioa Gipuzkoako Foru Aldundiak 2022an sortutako fundazio publikoa da, basoen kudeaketa iraunkorra bermatzeko eta haien abandonua geldiarazteko helburuarekin.

Baso-jabeei aukera ematen die beren basoen kudeaketa integrala lagatzeko, lana modu profesional, iraunkor eta irizpide tekniko zein ingurumeneko zorrotzekin gauzatuko dela bermatuz.

Horrez gain, fundazioak lurraldeko baso-ondarea zaintzen du, eta gizarteari basoek eskaintzen dizkioten onurak mantentzen laguntzen du: klima-aldaketaren aurkako borroka, biodibertsitatearen babesa, ura eta lurzorua erregulatzea, paisaia eta pertsonen ongizatea hobetzea.

BSTK Basotik Fundazioa Gipuzkoa berdeago baten alde: basoa zainduz, etorkizuna ereiten.

Natura eta komunitatea batzen dituen festa herrikoia

BSTK Basotik Fundazioaren eskutik eta Euskadi Fundazioa eta Laboral Kutxa Team taldeetako emakumezko txirrindulari profesionalen eta Euskadi Fundazioaren sub23 taldearen parte-hartzeari esker, ekimen honek Gipuzkoako basoen balioa herritarrengana hurbiltzea du helburu, bizikletaren bidez: kirol osasuntsua, jasangarria eta adin guztietarako irekia.

Informazio gehiago

Helburu espezifikoak

Ingurumena

Klima-aldaketaren aurkako borrokan laguntzea, Gipuzkoako basoen CO₂ xurgaketa-ahalmena handituz eta biodibertsitatea indartuz.

Bioekonomia

Basoetatik sortzen diren produktuen erabilera jasangarria bultzatzea, egurra lehengai berriztagarri gisa baloratuz eta tokiko ekonomia zirkularra indartuz. Gipuzkoan 6.000 lanpostutik gora sortzen dituen sektorea da.

Pertsonen ongizatea

Basoak biztanleen osasunerako eta aisialdirako eremu gisa zaintzea, herritarren eta lurraldearen arteko lotura sendotuz.

Fundazioaren sorreraren arrazoia

Baso-jabea bazara...

Zure basoen zaintza integralaz arduratuko gara, zuk inbertsiorik egin gabe.

Ezagutu gure lan prozesua

Zure lursailetan kudeaketa eredu jasangarria landuko dugu, zuk inbertsiorik egin gabe.
Zure basoa, modu jasangarri eta aurreratuan oinarritzen den eredu batean zainduko dugu.

Baso kudeaketaren berezko arriskuak partekatuko ditugu.
Sute, izurrite, haizete edo antzeko ustekabeen aurrean, BSTK Basotik Fundazioaren proposamenak bermea eta lasaitasuna eskaintzen dizkizu.

Zure lur-eremura egokitzen den proposamen pertsonalizatua eskainiko dizugu.
Zure lur-eremuaren diagnosi bat egingo dugu, eta bertan jasotako emaitzen araberako irtenbide pertsonalizatua eskainiko dizugu.

Errentagarritasun ekonomikoa lehen urtetik izango duzu.
Kontraprestazio ekonomikoa jasoko duzu lehenengo urtetik, eta kontratua amaitu arte mantenduko da.

Zein da zure kasua?

Banda marroia duen pinudiaren baso-jabea naiz.

Hainbat partzela dituen baso-jabea naiz.

Mozketa burutu berri duen baso-jabea naiz.

Herentziaz basoa jaso duen baso-jabea naiz.

Ondorengotzarik ez duen baso-jabea naiz.

Nahi duzu Fundazioak proposamen bat egitea?

Basozaintza eredua

BSTK Basotik Fundazioak proposatzen duen baso-kudeaketa jasangarriaren eredua Europako herrialde aitzindarietan erabiltzen ari dena da, hala nola, Finlandian, Suedian edo Alemanian. Horiek guztiek baso-ondarearen kudeaketa kolektiborako egiturak dituzte, lehiakortasuna hobetzeko eta balio handiko baso-ondarea bermatzeko.

Ingurumenarekiko konpromisoa

1. Baso-lurren zaintza eta kudeaketa Fundazioaren esku uztea.

2. Fundazioak biodibertsitatea bermatu eta handituko duen baso-zaintza jasangarria ezartzea.

3. Bioekonomiaren eta kalitatezko zura lehengai gisa erabiltzearen aldeko apustua egitea.

Berriak

Gehiago ikusi

BSTK Basotik Fundazioak eta Real Sociedad Fundazioak Basozaindariak aurkeztu dute, Gipuzkoako basoen zaintzan herritarren parte-hartzea sustatzeko.

2026/10/01

BSTK Basotik Fundazioak eta Real Sociedad Fundazioak “Basozaindariak” aurkeztu dugu, Gipuzkoako basoen zaintzarako lankidetza-sare parte-hartzailea

Bi fundazioek indarrak batu ditugu basoen zaintza, hobekuntza eta kontserbaziorako behar zehatzei erantzuteko, herritarrak ekintza horien parte aktibo eginez.

Gehiago irakurri

Gastro Gazteak Pagoetan profesional gazteak bildu ditu, gastronomia berdearen, basoaren eta lurraldearen arteko loturez hausnartzeko.

2026/09/25

BSTK Basotik Fundazioak ongizatea, basoen zaintza eta txirrindularitza uztartuko ditu Deban

Urriaren 24an II. Basotik Txirrindulari Festa ospatuko da Deban; iazko arrakastaren ondoren, helduen martxako plazak 350etik 450era igo dira eta guztira 600 parte-hartzaile inguru espero dira.

Gehiago irakurri

2026/07/14

Gastro Gazteak: Basoa eta gastronomia Pagoetan

Gastro Gazteak ekimenak, sektoreko profesional gazteak bildu ditu, gastronomia berdearen, basoaren eta lurraldearen arteko loturaz hausnartzeko.

Gehiago irakurri

BSTK Basotik Fundazioak ia bikoiztu egin du bere jarduera Gipuzkoan: 1.800 hektarea baino gehiago kudeatzen ditu eta baso-lanak nabarmen hazi dira 2026an.

2026/06/25

200 basojaberen 1.800 hektarea baino gehiago kudeatzen ditugu

900 familia baino gehiagok erakutsi dute Basotik Fundazioaren parte izateko interesa, eta 2026an hazkunde nabarmena izan dugu landaketetan, garbiketa-lanetan eta aprobetxamenduetan.

Gehiago irakurri