BSTK Basotik Fundazioaren izaera arrazoia

Gipuzkoako basoen %80a titulartasun pribatukoa da. 11.000 pertsona inguruk dute zuhaiztia, eta haiek erabakitzen dute nola kudeatu eta mantendu lur-eremu hori

Jabetzaren tamaina txikia

Gipuzkoako basoen azalera osoa 121.925 hektareakoa dela kalkulatzen da, 9.873 baso-ustiategitan zatituta. % 56,5a bost hektarea baina gutxiagoko basoei dagokie.

Baso-jabeen adina eta belaunaldi errelebo eza

60 urtetik gorakoa da Gipuzkoako baso-jabeen %60.

Adierazle kezkagarri bat

Gipuzkoan abandonaturik dauden basoen-azalera baso guztien % 16 da.

Errentagarritasun txikia, oso epe luzera gauzatzen dena

Basoen txandak, landatzen direnetik merkaturatzen diren arte, gutxienez 35 urte igaro ohi dira, eta, beraz, inbertsio horren itzulkina urte horiek igaro arte ez da gauzatzen.

Banda marroiaren gaixotasuna

Banda marroiaren gaixotasunak landatutako intsinis pinuaren azaleraren % 40 baino gehiagori eragin dio, hau da, lurraldeko baso-azalera osoaren % 30i.

Kontuan izan behar da, gero eta jende gehiagok jasotzen duela baso-jabetza bat, basoekin inoiz harremanik izan gabe. Beste lan batzuk dituzten pertsonak dira, ezagutzarik, denborarik eta horiek kudeatzeko baliabiderik gabekoak. 
Ulergarria da, beraz, gero eta gehiago izatea euren basoak kudeatzen ez dituzten pertsonak edo bere baso-eremutan zuhaitzak moztu eta berriro landatzen ez dituztenak. 
Hori horrela, Gipuzkoako basoetan gero eta sastraka gehiago hazten ari dira, eta horrek sute-arriskua handitzea dakar.
Bestalde, basoak kudeatzen dituztenen artean, errentagarritasunaren irizpidea nagusitu da, ziko laburrenen espezien aldeko apustua eginez. Joera horrek, baso-monolaborantzera eraman gaitu, eta, ondorioz, izurriteen eta gaixotasunen aurkako arriskua areagotu da. 
Hori guztiagatik, Gipuzkoako Foru Aldundiak, BSTK Basotik Fundazioa sortu du, lurraldeko baso-jabeei aukera emanez, euren baso-eremuen titularitatea mantenduz, basoen zaintza eta kudeaketa fundazioaren esku uzteko, eta baso kudeaketa aktibo eta dibertsifikatutik sortutako balioaren kobrantza aurreratzeko eta bermatzeko.

Zer egin dezakezu zuk

Gipuzkoako ingurumenaren eta biodibertsitatearen babesaren aldeko borroka honetan?

Parte hartu gure jardueretan
Lagun iezaguzu gure kausaren berri ematen

Ingurumenarekiko konpromisoa guztiona da.

Eskerrik asko