Baso bainua antolatu dugu martxoak 24an Iturraran Parketxean

baso-bainua-iturraran-parketxea-basotik-fundazioa

Basoen Nazioarteko Eguna ospatzeko, baso bainua antolatu dugu igande honetan, martxoak 24, Iturraran Parketxean.

2024/03/20

Basoen Nazioarteko Eguna ospatzeko, baso bainua antolatu dugu igande honetan, martxoak 24, Iturraran Parketxean.

Naturan murgilduz, eguneroko erritmo bizia moteltzen laguntzen digun esperientzia sentsoriala da baso bainua. Inguruari so egin, laztandu, usaindu, dastatu, entzun. Bost zentzumenak eta naturako elementuak elkarrekin jolasean jarriko ditugu. Erritmo pausatu batean arnasa hartu, inguruneaz gozatu eta txunditzeko gaitasuna oroitzeko nahia da soilik behar dena.

Baso bainuen praktikak immunitate sistema indartu eta eguneroko estresak sortzen dituen ondoezak nabarmen murrizten ditu.
Eguneroko erritmo azkarrak gailendu egin zaituela, nekatuta zaudela edota zure sormen gaitasuna galduta duzula sentitzen baduzu, baliteke basora itzuli eta bainu batean parte hartzeko unea izatea.

Zatoz, datorren igandean, martxoak 24, Iturraran Parketxera eta gozatu basoak eskaintzen dituen onurez.

Goizeko 11:00etan Iturraran Parketxean bertan elkartuko gara eta 13:00ak bitartean Pagoeta Natura Parkeko zuhaitzen ezkutuko bizitza ezagutzeko aukera paregabea izango dugu.

Familian, lagunekin, bakarka, taldean... nahi duzun bezala, basoak beso zabalik hartuko gaitu. Ibilbidea laburra eta erraza da, edonork egiteko modukoa.
BSTK Basotik Fundazioari esker, jarduera doakoa da, baina erreserba egitea beharrezkoa da.
 
Informazioa eta erreserbak:
iturraran@gipuzkoanatura.eus
943 83 53 89
https://www.gipuzkoanatura.eus/eu/erreserbak
 

Zer egin dezakezu zuk

Gipuzkoako ingurumenaren eta biodibertsitatearen babesaren aldeko borroka honetan?

Parte hartu gure jardueretan
Lagun iezaguzu gure kausaren berri ematen

Ingurumenarekiko konpromisoa guztiona da.

Eskerrik asko