Basotik Behatokia

Basoaren errealitatea neurtzen dugu, gizarteak eta jabe-familiek nola ikusten duten ulertzen dugu, eta ebidentzietan oinarrituta baso-kudeaketa jasangarria eta konfiantza hobetzen ditugu, basoen abandonuari aurre eginez.

Lurrari lotutako berrikuntza: basoa hobeto zaintzeko datuak

Gipuzkoan, basoa ondare naturala da: biodibertsitatea, klimaren aurkako aliatua, bioekonomia eta ongizatea. Baina erronka errealak ere baditu: jabetzaren zahartzea, kudeatzeko denbora falta, izurriteak, suteak eta abandonua.

Horregatik, Basotik Behatokia bultzatzen dugu: oinarritik hasten den berrikuntza.

Zer da Basotik Behatokia?

Basotik Behatokia jarraipen eta ezagutza tresna da, honako hauek eraikitzeko:

• Erabaki tekniko zorrotzagoak (plangintza, lehentasunak eta jarraipena).
• Komunikazio eta pedagogia argiagoa (kudeaketa jasangarria azaltzeko).
• Epe luzeko konfiantza (gardentasuna eta emaitza egiaztagarriak oinarri).

Behatokiaren logika

1. Neurtu: abiapuntua eta bilakaera.
2. Ulertu: pertzepzioak, zalantzak, kezkak eta itxaropenak.
3. Hobetu: nola azaltzen dugun, nola lantzen dugun eta nola eraikitzen dugun konfiantza.

Zer ekartzen dio Basotik Behatokiak Gipuzkoako baso-kudeaketa jasangarriari?

• Plangintza hobea: jarduketak irizpide tekniko eta ebidentziekin burutzea.
• Jarraipen egiaztagarria: bilakaera eta emaitzak denboran alderatzeko.
• Komunikazio hobea: benetako zalantzei erantzun eta kudeaketa jasangarriaren balioa sozializatzeko.
• Konfiantza handiagoa: gardentasuna jabeekin, administrazioarekin eta gizartearekin.

Buruturiko lanak

Behatokiak basoaren etorkizunerako ezinbestekoak diren bi ahots entzunez hasten du bidea: gizartearena eta jabeena.

1. Gizarteari buruturiko inkesta

Fitxa teknikoa

• Gaia: Gipuzkoako gizartearen jarrerak eta pertzepzioak baso-kudeaketaren inguruan.
• Laginketa: 355 pertsona inkestatu.
• Profila: Gipuzkoan bizi den biztanleria, 18 urtetik gorakoa.
• Enpresa: GAIA ikerketa eta aholkularitza.
• Landa-lana: 2025eko abendua – 2026ko urtarrila.

2. Baso-jabeei buruturiko inkesta

BSTK Basotik Fundazioarekin  bat egin duten baso-jabeek zer baloratzen duten eta zer hobetu daitekeen.

Fitxa teknikoa

• Fundazioarekin sinatutako baso-jabeei buruturiko inkesta.
• Erantzunak: 102 baso-jaberen erantzunak bildu dira.
• Hartzaileak: baso-jabeak edo haien ordezkariak.
• Noiz: 2025eko urriko bigarren hamabostaldia.
• Inkestatzailea: Logikaline, fundazioaren arreta zerbitzua burutzen duen enpresa.