1. alea
2025ko abendua
Negua basoan: isiltasun bizi bat
Abenduaren 21etik aurrera, neguak basoaren erritmoa eraldatzen du. Paisaia bareagoa bihurtzen da, zuhaitzek atseden begetatiboan sartzen dira eta lurzoruko kolore hotzek geldialdiaren irudia ematen dute. Kanpotik hala dirudien arren, isiltasun horren azpian mugimendu sotila dago: negua ez da etenaldia, baizik eta basoak bere barne-dinamika pausatu baina funtsezkoa garatzen duen garaia. Aldi berean, urteko sasoirik egokiena da basoen kudeaketa modu seguruan eta eraginkorrean egiteko.
Basozaintza
Datozen hilabeteetan basoetan egingo diren lanak
Datozen hilabeteetan, BSTK Basotik Fundazioak bi jarduera estrategiko garatuko ditu Gipuzkoako hainbat udalerritan: alde batetik, Fundaziora jo duten basojabeen lurren baso-diagnostikoak, eta bestetik, zuhaitz landaketak eta baso-masen berreskurapen lanak, dagoeneko Fundazioarekin kontratua sinatu duten basojabeen lurretan.
Gizartearen zaintza
Ongizatea basoan hasten da
Basoa, terapia gune, ikasteko espazio eta topagune sozial bihurtu dugu 1.800 lagun mobilizatuz
Basoa ez da baliabide natural hutsa: gure ongizate fisiko, emozional eta sozialaren zutabe isila da. Gizakiok naturarekin dugun lotura sakonak eragin zuzena du gure osasunean, eta horregatik, Fundaziotik bi urteotan gauzatutako 100 jarduerek helburu argi bat izan dute: basoa gipuzkoarrengana hurbiltzea, basoen onuraz gozatzeko.
Etorkizun berdeago baterantz urrats sendoak eginez
Basotik Fundazioak Gipuzkoako basoen kudeaketa jasangarriaren bidez, bere jarduna Nazio Batuen Garapen Jasangarriko Helburuekin lerrokatzen du, batez ere honako hauekin:
- Klima ekintzak
- Lurreko ekosistemen bizitza
- Ur garbia eta saneamendua
- Osasuna eta ongizatea
- Gosea amaitzea eta nekazaritza jasangarria
- Energia jasangarria eta irisgarria
- Lan duina eta hazkunde ekonomikoa
- Hiri eta komunitate jasangarriak
- Kontsumo eta ekoizpen arduratsua
